१९ वैशाख, काठमाडौं । बुद्ध एयरको जहाज बंगलादेशको ढाकातर्फ उठेको छ । लकडाउन र व्यवसायिक हवाई उडानमा लागेको प्रतिबन्धपछि काठमाडौंमा अड्किएका १६ बंगलादेशी नागरिकलाई फिर्ता लैजान बुद्धले चार्टर्ड उडान गरेको हो ।
सरकारी नियमअनुसार बंगलादेशी दूतावासले यो जहाज चार्टर्ड गरेको कम्पनीले जनाएको छ । लकडाउन सुरु भएयता बंगलादेशको ढाकामा बुद्ध एयरको यो तेस्रो उडान हो । यसअघि पहिलो उडानमा बंगलादेशी नागरिकलाई ढाका लगिएको थियो ।
दोस्रो उडानमा बंगलादेशमा अध्ययन गर्ने एक नेपाली युवतीलाई काठमाडौं ल्याउन रेस्क्यु उडान गरेको थियो । शुक्रबार तेस्रो उडान गरिएको हो ।
