२०७७ जेठ ८ गते १६:५६ 
८ जेठ काठमाडौं । सरकारले भलिबललाई राष्ट्रिय खेल घोषणा गरेको दिनको सम्झनामा जेठ ८ गते बनाइने भलिबल दिवस यस वर्ष मनाइएन ।
२०७४ साल जेठ ८ गते सरकारले भलिबललाई राष्ट्रिय खेलको मान्यता दिएको थियो । त्यसयता लगातार दुई वर्ष भलिबल दिवस मनाइए पनि यस पटक कोरोना महामारीका कारण नमनाइएको हो ।
संघले बिहीबार विज्ञप्ति जारी गर्दै कोरोना महामारीले गर्दा औपचारिक कार्यक्रम गर्न नसकिएको जनाएको छ ।
अहिले भलिबल गतिविधि भन्दा खेलाडी र व्यक्तिको स्वास्थ्य महत्वपूर्ण रहेको भन्दै संघले अवस्था सामान्य बनेपछि भलिबल गतिविधि फेरि सुरु गर्ने बताएको छ ।
बुधबार संघीय संसदबाट पारित भएको खेलकुदसम्बन्धी विधेयकमा भलिबल नेपालको राष्ट्रिय खेल उल्लेख गरिएको छ ।
राष्ट्रिय खेल घोषणा गरेको ३ वर्ष पूरा हुँदा पनि सरकारले भलिबल खेल प्रवद्र्धनका लागि सहयोग नगरेको भलिबल संघका अध्यक्ष मनोरञ्जनरमण शर्माले बताए ।
खेलाडीको मिहिनेत र संघको प्रयासमा नेपालले पछिल्लो समय अन्तर्राष्ट्रिय प्रतियोगितामा पनि सफलता हात पारेको संघले जनाएको छ ।
प्रतिक्रिया 4