२ भदौ, काठमाडौं । अनलाइन फ्यान्टासी स्पोर्टस् कम्पनी ड्रिम ११ इन्डियन प्रिमियर लिग आईपीइएल टी-२० को मुख्य प्रायोजक बनेको छ ।
यस सिजनको आईपीएलका लागि ड्रिम ११ ले २२२ करोड भारतीय रुपैयाँ प्रस्ताव गरेको थियो ।
आईपीएल गभर्निङ काउन्सिलका प्रमुख ब्रिजेस पटेलले यसको पुष्टि गरेको इएसपिएनक्रिकइन्फोले जनाएको छ ।
ड्रिम ११ ले बाइजु र अनाएकेडेमीलाई पछि पार्दै आईपीएलको मुख्य प्रायोजक बनेको हो ।
यस सिजनको आईपीएल सेप्टेम्बर १९ देखि युएईमा सुरु हुँदैछ ।
भारत र चीनबीच सीमा विवादमा उत्पन्न तानावका कारण चाइनिज मोबाइल कम्पनी भीभोसँग सम्झौता तोडिएपछि आईपीएलले यस सिजनको लागि नयाँ प्रायोजक राखेको हो ।
