२२ असोज, काठमाडौं । पर्वतमा कुलोले बगाउँदा ८ वर्षीया बालिकाको मृत्यु भएको छ । मृत्यु हुनेमा फलेवास नगरपालिका-६ चन्दनी बस्ने मनमाया रानाकी ८ वर्षीया छोरी श्रीयासी राना रहेकी छन् ।
विद्यालय जाने क्रममा चौबिस कुरियातर्फ जाने कुलोले बगाउँदा बालिकाको बिहीबार दिउँसो मृत्यु भएको हो ।
जिल्ला प्रहरी कार्यालय पर्वत र अस्थाई प्रहरी पोष्ट खानी गाँउबाट खटिएको प्रहरी टोलीले बालिकाको उद्दार गरी धुलिखेल अस्पताल खानीगाउँ पठाएको थियो । तर उपचारको क्रममा उनको मृत्यु भएको प्रहरीले जनाएको छ ।
यस सम्बन्धमा प्रहरीले आवश्यक अनुसन्धान गरिरहेको छ ।
