३ कात्तिक, डोटी । उच्च अदालत दिपायलमा कार्यरत १८ जना कर्मचारीमा कोरोना संक्रमण पुष्टि भएको छ ।
सोमबार जिल्ला अस्पताल डोटीको प्रयोगशालामा भएको परीक्षणबाट उच्च अदालमा कार्यरत १८ जनासहित ३१ जनामा कोरोना संक्रमण भएको पुष्टि भएको छ ।
जिल्ला स्वास्थ्य कार्यालय डोटीले सार्वजनिक गरेको विवरण अनुसार उक्त संख्यामा कोरोना संक्रमण पुष्टि भएको हो । उच्च अदालतमा कार्यरत कर्मचारीको असोज २६ गते स्वाब संकलन गरिएको थियो ।
रिपोर्ट पोजेटिभ देखिएकामध्ये अधिकांश व्यक्तिहरु दसैँ मनाउन आ-आफ्नो घर गइसकेको पाइएको छ।
