News Summary
Generated by OK AI. Editorially reviewed.- वाणिज्य, आपूर्ति तथा उपभोक्ता संरक्षण विभागले काठमाडौं उपत्यकामा प्रतिकिलो ११० रुपैयाँमा चिनी बिक्री-वितरण भइरहेको दाबी गरेको छ ।
- विभागले बजारमा चिनीको अभाव नरहेको र सहज तथा पर्याप्त आपूर्ति भइरहेको जनाएको छ ।
- प्रवक्ता अनिल किराँतीले उपभोक्ताले उपत्यकाका एक हजारभन्दा बढी बिक्री केन्द्रबाट चिनी खरिद गर्न सक्ने बताए ।
३१ भदौ, काठमाडौं । चाडपर्वको मुखमा बजारमा चिनी अभाव भएको र महँगोमा किन बाध्य पारिएको भनेर उपभोक्ताले गुनासो गरिरहेका बेला सरकारले सहज र पर्याप्त आपूर्ति भइरहेको दाबी गरेको छ ।
वाणिज्य, आपूर्ति तथा उपभोक्ता संरक्षण विभागले बुधबार विज्ञप्ति जारी गर्दै काठमाडौं उपत्यकामा प्रतिकिलो १ सय १० रुपैयाँमा चिनी बिक्री–वितरण भइरहेको दाबी गरेको हो ।
१० भदौमा भोटेकोशी नदीमा आएको बाढी र पृथ्वी राजमार्गको कृष्णभिर खण्डमा गएको पहिरोका कारण बाटो अवरुद्ध भएको र भारतले चिनी निकासीमा प्रतिबन्ध लगाएको कारण देखाउँदै बजारमा चिनी अभाव गराइएको र महँगोमा बेचिरहेको समाचार सार्वजनिक भएका थिए ।
तर, विभागले बजारमा चिनीको कुनै अभाव नरहेको दाबी गरेको छ ।
उद्योग, वाणिज्य तथा आपूर्तिमन्त्री दीपककुमार साहको अध्यक्षतामा ३० भदौमा सरोकारवालाहरूसँग बसेको बैठकपछि सरकारले चिनीको सहज आपूर्ति व्यवस्था मिलाएको विभागले जनाएको छ ।
विभाग प्रवक्ता अनिल किराँतीले अब उपभोक्ताले भाटभटेनी, बिग मार्ट, सेल्सबेरी सहित काठमाडौं उपत्यकाका एक हजारभन्दा बढी बिक्री केन्द्रबाट प्रतिकिलो १ सय १० रुपैयाँमै सर्वसुलभ रूपमा चिनी खरिद गर्न सक्ने बताए ।
साथै, बजारमा चिनीको सहज एवं पर्याप्त आपूर्ति भइरहेको हुँदा आत्तिनुपर्ने अवस्था नरहेको भन्दै आम उपभोक्तालाई अनावश्यक रूपमा चिनीको अधिक सञ्चय (होर्डिङ) नगर्न समेत विभागले विशेष अनुरोध गरेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4