५ कात्तिक, काठमाडौं । राष्ट्रिय मानव अधिकार आयोगले मानव अधिकार उल्लंघनका घटनाको उजुरी दसैँ विदामा पनि लिने भएको छ ।
त्यसका लागि दसैँका विदामा पनि केन्द्रीय र प्रदेश कार्यालय दिउँसो १२ देखि २ बजेसम्म खुल्ला रहने आयोगका सचिव वेद भट्टराईले जानकारी दिए ।
त्यस्तै आयोगले नियमित रुपमा सञ्चार अनुगमन तथा गम्भीर प्रकृतिका घटनाको पनि आवश्यकताअनुसार अनुगमन गर्ने जनाएको छ ।
अधिकार आयोगले प्रवक्ताको जिम्मेवारी सहसचिव डा. टीकाराम पोखरेललाई र सहायक प्रवक्ताको जिम्मेवारी उपसचिव वुद्धनारायण सहनी केवटलाई दिएको छ ।
त्यस्तै सूचना अधिकारीमा उपसचिव सोमनाथ सुवेदी र सहायक सूचना अधिकारी मानव अधिकार अधिकृत दुर्गा पोखरेल तोकिएका छन् ।
