२८ मंसिर, कैलाली । धनगढीमा एकैदिन दुई जना कोरोना संक्रमित महिलाको मृत्यु भएको छ ।
सेती प्रादेशिक अस्पतालको अस्थायी कोरोना अस्पतालमा धनगढी उपमहानगरपालिका-१ की ५५ वर्षीया महिला र गोदावरी नगरपालिका-१ की ७५ वर्षीया महिलाको उपचारको क्रममा आइतबार मृत्यु भएको हो ।
श्वासप्रश्वासमा समस्या आएपछि धनगढीकी ५५ वर्षीया महिला मंसिर २२ गते अस्पतालमा भर्ना भएकी थिइन् । अस्पतालका अनुसार उनी मधुमेह सम्बन्धी रोगबाट समेत पीडित थिइन् । उनको उपचारको क्रममा आइतबार दिउँसो मृत्यु भएको अस्पतालले जनाएको छ ।
गोदावरीकी ७५ वर्षीया महिलाको उपचारको क्रममा आइतबार बिहान मृत्यु भएको अस्पतालले जनाएको छ । कोरोना संक्रमित उनी मंसिर २१ गते सेती प्रादेशिक अस्पतालमा भर्ना भएकी थिइन् । उनलाई अस्पतालको भेन्टिलेटरमा राखेर उपचार गरिए पनि बचाउन नसकिएको अस्पतालले जनाएको छ ।
यससँगै सुदूरपश्चिममा कोरोनाबाट मृत्यु हुनेको सङ्ख्या ६४ पुगेको छ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4