१८ पुस, काठमाडौं । शिक्षामन्त्री कृष्णगोपाल श्रेष्ठले प्रधानमन्त्री केपी शर्मा ओलीलाई चेसको राजासँग तुलना गरेका छन् । उँट, हात्ती र पुलिसहरुले मिलेर राजालाई नै खान खोजेपछि अहिलेको राजनीतिक परिस्थिति निर्माण भएको मन्त्री श्रेष्ठले बताए ।

शनिबार प्रज्ञा प्रतिष्ठानमा आयोजित नेकपा ओली समूहको कार्यकर्ता भेलालाई सम्वोधन गर्दै श्रेष्ठले भने,’राजालाई नै खान खोजियो, हामीलाई यो कुरा थाहा छैन र ?’

मन्त्री श्रेष्ठले प्रचण्ड समूहले बल्खुस्थित पार्टी कार्यालयको जग्गामा आँखा लगाएको बताउँदै भने, ‘खुमलटारले बल्खुको जग्गामा आँखा लगाउन पाउँदैन, धुम्बाराहीको जग्गामा आँखा लगाउन पाउँदैन ।’