Comments Add Comment

अग्रता जोगाउन नसक्दा पीएसजी घरमै पराजित

२ चैत, काठमाडौं । फ्रेन्च लिग वान फुटबलको साविक विजेता पेरिस सेन्ट जर्मेन (पीएसजी) अग्रता जोगाउन नसक्दा घरेलु मैदानमै नान्टेसंग पराजित भएको छ ।

आइतबार राति भएको खेलमा पीएसजी नान्टेससँग २-१ ले पराजित भएको हो । पीएसजीले घरेलु मैदानमा पहिले अग्रता बनाएपनि नान्टेले पुनरागमन गर्द जित हात पारेको हो ।

खेलको ४२औं मिनेटमा जुलियन ड्राक्सलरले गोल गर्दै पीएसजीलाई अग्रता दिलाएका थिए । तर दोस्रो हाफमा नान्टेले दुई गोल फर्कायो ।

५९औं मिनेटमा रान्डल कोलो मुआनीले नानटेका लागि बराबरी गोल फर्काए । त्यसपछि ७१ औं मिनेटमा मोसेस सिमोनले गोल गर्दै नान्टेसलाई २-१ गोलको जित दिलाए ।

यस सिजन लिगमा पीएसजीको यो सातौं हार हो । यस हारपछि पीएसजीले शीर्ष स्थानमा उक्लने मौका गुमाएको छ । २९ खेलबाट ६० अंकसहित पीएसजी दोस्रो स्थानमै छ ।

मोनाकोसँग गोलरहित बराबरी खेलेको लिले ६३ अंकसहित शीर्ष स्थानमा छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment