४ चैत, काठमाडौं । सुमिना खड्का आइवा युथ वर्ल्ड बक्सिङ च्याम्पियनसिपका लागि ६० केजी तौल समूहमा छनोट भएकी छन् ।
आरडीएस क्लबकी सुमिनाले बक्समाण्डौकी डेचेन शेर्पालाई निर्धारित तीन राउण्डको खेलमा अंकका आधारमा ४–१ ले हराउँदै छनोटमा परिन् । नेपाल बक्सिङ संघले आयोजना गरेको छनोट प्रतियोगिताको ४८ केजी तौल समूहमा नक्सालकी सुस्मा तामाङ मंगलबार नै झापाकी सुस्मिता राईलाई अंकका आधारमा ३–२ को स्कोरमा हराउँदै छनोट भएकी थिइन् ।
आइवा युथ वर्ल्ड बक्सिङ च्याम्पियनसिप पोल्याण्डमा अप्रिल ११ देखि २३ सम्म सञ्चालन हुनेछ ।
