२३ वैशाख, वीरगञ्ज । वीरगञ्जमा थप एकजना कोरोना संक्रमितको मृत्यु भएको छ । वीरगञ्ज महानगरपालिका–१० आदर्शनगर बस्ने ८२ वर्षीय पुरुषको कोरोना संक्रमणबाट मृत्यु भएको हो ।
नारायणी वयोधा अस्पतालमा उपचारको क्रममा ५ बजेर ५४ मिनेटमा उनको मृत्यु भएको जिल्ला प्रशासन कार्यालय पर्साका प्रशासकीय अधिकृत विनय श्रीवास्तवले जानकारी दिए ।
श्वासप्रश्वासमा समस्या भएपछि वृद्धलाई बिहीबार नै उपचारका लागि नारायणी वयोधा अस्पतालमा भर्ना गरिएको थियो । एन्टिजेन परीक्षणका क्रममा कोरोना संक्रमण पुष्टि भएको थियो ।
योसँगै वीरगञ्जमा कोरोना संक्रमणबाट बिहीबार मात्रै चार जनाको मृत्यु भएको छ । नारायणी अस्पतालमा बिहीबार रौतहटका दुई र पर्साका दुई गरी ४ जनाको मृत्यु भएको छ ।
