१० जेठ, काठमाडौं । लिलेले फ्रेन्च लिग वानको उपाधि जितेको छ । लिगको अन्तिम खेलमा एङ्गर्सलाई २-१ ले पराजित गर्दै लिले च्याम्पियन बनेको हो । उसले साविक विजेता पीएसजीलाई १ अंकले पछि पार्यो ।
लिलेको जितमा जोनाथन डेभिड र बुराक यलमाजले गोल गरे । एङ्गर्सका एन्जेलो फुल्गिनीले इन्जुरी टाइममा गोल फर्काए पनि लिलेको जित रोक्न सकेन ।
अर्को खेलमा पीएसजीले ब्रेस्टलाई २-० ले पराजित गर्यो तर उपाधि जोगाउन सकेन ।
लिले १० वर्षपछि च्याम्पियन बनेको हो । लिलेले सन् २०१०/११ मा लिग जितेको थियो । उता २०१६/१७ पछि पीएसजी लिग जित्न असफल रह्यो ।
यस्तै लियोन नाइसंग ३-२ ले पराजित भएपछि मोनाको लेन्ससंग बराबरी खेल्दै तेस्रो स्थानमा रहेर अर्को सिजन च्याम्पियन्स लिगका लागि छनोट भएको छ ।
