मेरो माइक्रोफाइनान्सको शेयर लिलामीमा

८ भदौ, काठमाडौं । मेरो माइक्रोफाइनान्स लघुवित्त वित्तीय संस्था लिमिटेडको करिब ६ लाख कित्ता लिलामीमा आवेदन खुला भएको छ । कम्पनीको ५ लाख ९८ हजार ५९८ कित्ता संस्थापक सेयर आजबाट लिलामीमा खुला भएको हो ।

बिक्री प्रबन्धक एनएमबि क्यापिटलका अनुसार न्युनतम् ५ सय ९५ रुपैयाँ तोकिएको मेरो माइक्रोफाइनान्सको सेयर न्युनतम वा सो भन्दा बढी बोलकबोलबाट पेश गर्नुपर्नेछ । बोलपत्र पेश गर्दा न्यूनतम एक हजार कित्तादेखि अधिकतम सम्पूर्ण कित्तासम्म माग गर्न सकिने व्यवस्था छ ।

यो सेयरका लागि सर्वसाधारणहरुले समेत आवेदन दिन सक्नेछन् । लिलामीका लागि भदौ १६ गते दिउँसो २ बजेसम्म आवेदन दिन सकिने क्यापिटलले जनाएको छ । बोलपत्र भदौ १७ गते विहान १० बजे नागपोखरीस्थित एनएमबि क्यापिटलमा खुला हुने बताइएको छ ।