+
+

चैत्यदेवी, केकी, उपासनासहित ९ नायिकालाई ‘राष्ट्रिय नवदुर्गा सम्मान’

अनलाइनखबर अनलाइनखबर
२०७८ असोज २२ गते ११:५२

बिहीबार घटस्थापनाको दिन नेपाली चलचित्रका ९ जना नायिकाहरु ‘राष्ट्रिय नवदुर्गा सम्मान’बाट सम्मानित भएका छन् । नायिका रेजिना उप्रेतीको ‘रेजिना ईन्टरटेन्मेन्ट प्रा.ली’ र बिमला केसीको ‘सहिद फिल्मस् प्रा.ली’ले चलचित्र विकास बोर्डको सभाहलमा ‘दोस्रो राष्ट्रिय नवदुर्गा सम्मान–२०७८’ आयोजना गर्दै पुराना देखि नयाँ ९ जना नायिकाहरुलाई सम्मान गरेको हो ।

सम्मानित हुनेमा नेपाली पहिलो रंगीन चलचित्रकी नायिका चैत्यदेवी सिंहदेखि शर्मीला मल्ल, लक्ष्मी गिरी, मौसमी मल्ल, नीता ढुंगाना, केकी अधिकारी छन् । यस्तै, पछिल्लो पुस्ताका नायिकाहरु सुरक्षा पन्त, साम्राज्ञी राज्यलक्ष्मी शाह र उपासना सिंह ठकुरी छन् । चलचित्र क्षेत्रमा उल्लेखनीय योगदान दिएको भन्दै उनीहरुलाई सम्मान गरिएको हो ।

कार्यक्रमका प्रमुख अतिथि ऊर्जा, जलस्रोत तथा सिँचाइ मन्त्री पम्फा भुसाल, विशेष अतिथि चलचित्र विकास बोर्डका अध्यक्ष दयाराम दाहालले नायिकाहरुलाई माला र सम्मानपत्रले सम्मानित गरेका थिए । सम्मानित हुने ९ जना नायिकाहरुले अभिनय गरेका एक–एक वटा चलचित्रका गीतमा अन्य कलाकारहरुले नृत्य प्रस्तुत गरेका थिए ।

यसअघि दुई वर्ष अगाडि ‘राष्ट्रिय नवदुर्गा सम्मान’बाट नायिकाहरु भुवन चन्द, बसुन्धरा भुषाल, गौरी मल्ल, करिश्मा मानन्धर, दीपाश्री निरौला, संचिता लुइँटेल, रेखा थापा, नम्रता श्रेष्ठ र स्वस्तिमा खड्का सम्मानित भएका थिए । गतबर्ष भने कोरोनाका कारण यो कार्यक्रम आयोजना हुन सकेको थिएन ।

तस्वीर सौजन्य : आशिष वली

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment