+
+

बाढीपहिरो पीडितलाई राहत दिन सुदूरपश्चिममा अनेरास्ववियूको माग

अनलाइनखबर अनलाइनखबर
२०७८ कात्तिक ५ गते १६:५५

५ कात्तिक, धनगढी । नेकपा एमालेको विद्यार्थी संगठन अनेरास्ववियूले सुदूरपश्चिमका बाढीपहिरो पीडितलाई राहत उपलब्ध गराउन प्रदेश सरकारसँग माग गरेको छ ।

शुक्रबार मुख्यमन्त्री त्रिलोचन भट्टलाई शुक्रबार ज्ञापन पत्र बुझाउँदै अनेरास्ववियू सुदूरपश्चिमका इन्चार्ज मोती बिक र संयोजक नेत्र मैनालीसहितको टोलीले बाढी पहिरो पीडितलाई राहत, बेपत्ताको खोजी र घरबारविहीन भएकाहरूलाई उचित बसोबासको व्यवस्था मिलाउन माग गरेको हो ।

बाढीबाट धान बालीमा भएको क्षतिको विवरण संकलन गरेर पीडित किसानलाई क्षतिपूर्ति दिनुपर्ने तथा विपद् व्यवस्थापनमा सबै प्रशासनिक संयन्त्रको प्रयोग गर्न पनि माग गरिएको छ ।

अनेरास्ववियूले संकटका बेला सरकारलाई आफूहरु रचनात्मक सहयोग गर्न तयार रहेको भन्दै युवालाई स्वयंसेवकको रुपमा परिचालन गर्न पनि आग्रह गरेको छ ।

मुख्यमन्त्री भट्टले सरकारले राहत तथा उद्दारको काम गरिरहेको बताउँदै अनेरास्ववियूले उठाएका सबै माग पूरा गर्ने प्रतिबद्धता जनाएका छन् । तीनै तहका सरकारसँगको समन्वयका आधारमा पीडितलाई क्षतिपूर्ति दिइने उनले बताए ।

गत आइतबारदेखि परेको अविरल वर्षाका कारण आएको बाढी तथा पहिराले सुदूरपश्चिम प्रदेशमा हालसम्म ३४ जनाको मृत्यु भएको छ भने १७ जना घाइते र २२ जना बेपत्ता छन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment