+
+

दुई मोटरसाइकल र स्कुटर ठोक्किँदा १ जनाको मृत्यु, ३ जना घाइते

अनलाइनखबर अनलाइनखबर
२०७८ मंसिर १२ गते १८:३१

१२ मंसिर, धनगढी । कैलालीमा दुई वटा मोटरसाइकल र एउटा स्कुटर ठोक्किएर भएको दुर्घटनामा एक जनाको मृत्यु भएको छ ।

आइतबार दिउँसो घोडाघोडी नगरपालिका–१ स्थित भित्री सडकखण्डमा बेलारबाट सुखडतर्फ आइरहेको से ६ प ६९० नम्बरको मोटरसाइकल, से ६ प ९२३९ को स्कुुटर र विपरीत दिशाबाट आइरहेको अनटेष्ट मोटरसाइकल ठोक्किदा अनटेष्ट मोटरसाइकलका चालक घोडाघोडी नगरपालिका–१ बस्ने २० वर्षीय रुद्र बोहराको मृत्यु भएको हो ।

सुदूरपश्चिम प्रदेश ट्राफिक प्रहरी कार्यालय अत्तरियाकाअनुसार दुर्घटनामा गम्भीर घाइते भएका उनको उपचारका क्रममा घोडाघोडी अस्पतालमा मृत्यु भएको हो ।

सोही मोटरसाइकलको पछाडि सवार घोडाघोडीकै १८ वर्षीय सन्जु शाही गम्भीर घाइते भएका छन् । उनलाई उपचारका लागि नेपालगञ्ज पठाइएको छ ।

दुर्घटनामा परेर से ६ प ६९० नम्बरको मोटरसाइकल चालक घोडाघोडीका २५ वर्षीय लक्ष्मीराम चौधरी र उनकी श्रीमती सुनीता चौधरी घाइते भएका छन् । उनीहरुको घोडाघोडी अस्पतालमा उपचार भइरहेको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment