+
+

गुल्मीको रेसुङ्गामा हिउँ परेपछि स्थानीय हर्षित

अनिल खत्री अनिल खत्री
२०७८ पुष १५ गते ११:३४

१५ पुस, गुल्मी । गुल्मी जिल्लाको धार्मिक तथा पर्यटकीय स्थल रेसुङ्गामा पनि हिमपात भएको छ । मंगलबार रातिबाट पानीसँगै हिउँपरेपछि स्थानीय हर्षित भएका छन् ।

बिहीबार बिहानबाट पानी पर्न रोकिएपछि रेसुङ्गामा हिउँ खेल्न जानेहरुको घुइँचो लागेको छ । धेरैले सामाजिक सन्जालमा रेसुङ्गाको हिउँ सहितका तस्विर राख्दै खुसी साटेका छन् । आज सार्वजनिक बिदा भएकाले पनि रेसुङ्गाको हिउँ परेको हेर्न र खेल्न जानेहरुको घुइँचो लागेको छ ।

रेसुङ्गागामा परेको हिमपात सदरमुकाम तम्घास बजारबाट पनि देख्न सकिन्छ । जिल्लाका अन्य उच्च स्थानहरु अर्जुन, मदाने, टिमुरे, थाप्ले, सालिमेदह लगायतका एक दर्जन स्थानमा सामान्य हिमपात भएको देखिन्छ । वर्षा र हिमपातले हिउँदेबालीलाई फाइदा पुग्ने हुँदा कृषकहरु खुसी छन् ।

रेसुङ्गालगायतका जिल्लाका उच्च स्थानमा बर्सेनि हिमपात हुने गरेको छ । समुद्री सतहबाट २ हजार ३ सय मिटरको उचाइमा रहेको रेसुङ्गा धार्मिक, ऐतिहासिक र पर्यटकीय क्षेत्र पनि हो । यहाँ बिभिन्न अवसरहरुमा मेला लाग्ने गर्दछ । रेसुङ्गाबाट अन्य समयमा पनि धवलागिरिदेखि मनास्लुसम्मको हिमश्रृंखला अवलोकन गर्न सकिन्छ ।

हिमपातले जिल्ला सदरमुकाम तम्घास बजारमा अत्यधिक चिसो बढेको छ । चिसोका कारण बजारमा चहलपहल समेत घटेको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?