+
+

‘सूर्यवंशी’मा लगानी गरेको ‘ब्लुचिप इन्भेष्टमेन्ट’ नेपाली फिल्म बनाउन इच्छुक

अनलाइनखबर अनलाइनखबर
२०७८ पुष २६ गते १३:३४

२६ पुस, काठमाडौं । केही बलिउड र साउथ इण्डियन चलचित्रमा समेत लगानी गरेको अन्तर्राष्ट्रिय कम्पनी ‘ब्लुचिप इन्भेष्टमेन्ट’ले नेपाली चलचित्रमा पनि लगानी गर्ने इच्छा व्यक्त गरेको छ ।

बलिउड चलचित्र ‘सूर्यवंशी’ र ‘८३’ सहित केही दक्षिण भारतीय चलचित्रमा लगानी गरेको उक्त कम्पनीका प्रतिनिधिहरु केही दिनअघि नेपाल आएका छन् । सञ्चारकर्मीहरुसँगको कुराकानीमा उनीहरुले नेपाली चलचित्रमा लगानी गर्न आफूहरु इच्छुक रहेको बताएका हुन् ।

‘ब्लुचिप’का प्रमुख कार्यकारी अधिकृत (सीईओ) रवीन्द्रनाथ सोनीले भने, ‘बलिउडमा हामीले धेरै काम गरेका छौं । सूर्यवंशी, ८३ जस्ता चलचित्रमा पनि फाइनान्स गरेका छौं । अब राम्रो विषयमा हामी नेपाली चलचित्र बनाउन इच्छुक छौं ।’

उनले नेपाल बसाइका क्रममा यो विषयमा सरोकारवालाहरुसँग छलफल गर्ने बताए । नेपाल र भारतको संस्कृति मिल्दोजुल्दो रहेकाले पनि चलचित्रमार्फत नेपाली संस्कृतिको प्रवद्र्धन गर्न आफूहरु तयार रहेको उनले बताए ।

सीईओ रवीन्द्रनाथ सोनीसँगै अपरेशन हेड गुरमित कौर, सेल्स एण्ड मार्केटिङ हेड सुरज जुमानी, डा. प्रीति गिरी लगायतको टिम नेपाल आएको हो ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?