+
+

टुँडिखेलमा भएन माघी उत्सव

चन्द्रबहादुर आले चन्द्रबहादुर आले
२०७८ माघ १ गते १७:२८

१ माघ, काठमाडौं । माघे संक्रान्तिका दिन विगतमा वर्षहरुमा काठमाडौंको टुँडिखेल निकै गुल्जार देखिन्थ्यो । आफ्नो ठूलो पर्व माघीको अवसरमा मगर र थारु समुदायले विशेष कार्यक्रम आयोजना गरेका हुन्थे ।

सरकारका मन्त्री र विभिन्न राजनीतिक दलका नेताहरु पनि टुँडिखेलमा माघीको शुभकामना दिन पुग्थे । मगर र थारु समुदयका युवा युवतीले आफ्ना जातीय पोशाक लगाएर नाचगान र रमाइलाे गर्थे । टुँडिखेलका स्टलमा मगर र थारु समुदायका मौलिक परिकार चाख्न पाइन्थ्यो ।

तर यो वर्ष कोरोना महामारी ह्वात्तै बढेकाले अन्तिम समयमा माघीको औपचारिक कार्यक्रम रोकियो । सरकारले केही दिनअघि २५ जना भन्दा बढी भेला हुन रोक लगाएको थियो ।

शनिबार टुँडिखेलमा कुनै औपचारिक कार्यक्रम त भएन । तर मगर र थारु समुदायका युवायुवती आफ्नो जातीय पोशाकसहित पुगेका थिए । माघी विशेष कार्यक्रम स्थगित भएको थाहा नपाएर हो वा अन्य कारणले टुँडिखेलमा भेला हुनेको संख्या ठूलो थियो ।

औपचारिक कार्यक्रम नभएको थाहा पाएपछि आफ्नो मौलिक पोशाकमा ठाँटिएका युवा युवतीले एकल तथा समूहमा तस्वीर खिचेर खुशीयाली मनाए ।

हेर्नुहोस् तस्वीरहरु

लेखकको बारेमा
चन्द्रबहादुर आले

आले अनलाइनखबरका फोटोपत्रकार हुन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?