कैलालीको होटलमा एक युवक मृत भेटिए

१६ माघ, धनगढी । कैलालीमा एक युवक होटलमा मृत भेटिएका छन् । गौरीगंगा नगरपालिका-४ को राजीपुरमा रहेको गहतेगडा होटेलमा युवक मृत अवस्थामा भेटिएको प्रहरीले जनाएको छ ।

जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) वेदप्रकाश जोशीले घोडाघोडी नगरपालिका-१ का अन्दाजी ३५ वर्षीय युवक साधन डाम मृत अवस्थामा फेला परेको जानकारी दिए।

डाम गत माघ ३ गतेदेखि सोही होटलमा बसिरहेका थिए । उनी बस्दै आएको होटलमा कोठामा शनिबार ओछ्यानमा घोप्टो परेको अवस्थामा मृत भेटिएकोबारे अनुसन्धान भइरहेको डीएसपी जोशीले बताए ।