सानिमा बैंकको मोबाइल बैंकिङ र नेपाल पे क्यूआरबीच सहकार्य

काठमाडौं । सानिमा बैंकले मोबाइल बैंकिङ एप ‘सानिमा सजिलो इबैंकिङ’मा सफलतापूर्वक नेपाल पे क्यूआर समायोजन गरेको छ ।

सजिलो इबैंकिङ प्रयोगकर्ताहरुले अब नेपाल पे क्यूआरबाट सजिलै क्यूआर स्क्यान गरी डिजिटल भुक्तानी गर्न सक्नेछन् ।

बैंकले नेपाल पे क्यूआरको क्यूआर आधारित कारोबारका लागि एनसीएचएलसँग सहकार्य गर्नेछ । यस सहकार्यले नेपालमा डिजिटल भुक्तानी प्रणालीलाई प्रोत्साहन गर्दै डिजिटल कारोबार बढाउने अपेक्षा बैंकले गरेको छ ।

सानिमा बैंकको देशका सातै प्रदेशमा १२४ कार्यालय र १११ वटा एटीएम सञ्चालनमा रहेका छन् ।