![](https://www.onlinekhabar.com/wp-content/uploads/2021/10/NRB-1024x697.jpg)
१ चैत, काठमाडौं । नेपाल राष्ट्र बैंकले नागरिक बचत पत्र २०८३ ‘क’ निष्कासन सुरु गरेको छ । १० प्रतिशत ब्याज दिने ५ वर्षे नागरिक बचत पत्रमा मंगलबारदेखि आवेदन दिन सकिने राष्ट्र बैंकले बताएको छ ।
इच्छुक नेपाली नागरिकहरुले बचतपत्र खरिद गर्नका लागि आवेदन दिन सक्नेछन् । आवेदन दिने मिति ३० चैतसम्मका लागि तोकिएको छ । निष्कासन हुने रकम २ अर्ब रुपैयाँ रहेको छ भने यसमा वार्षिक १० प्रतिशत ब्याजदर दिने राष्ट्र बैंकले बताएको छ । ब्याज भुक्तानी ६/६ महिनामा हुने यस बचतपत्रमा घटीमा १० हजार रुपैयाँ र बढीमा कुल निष्कासित रकमको सीमामा नबढाई १० हजारले भाग गर्दा निःशेष भाग जाने अंकमा आवेदन दिन सकिनेछ ।
नेपाली नागरिकले मात्रै खरिद गर्न सक्ने यो बचतपत्र धितो राखी यस बैंक बाहेक अन्य बैंक तथा वित्तीय संस्थाबाट कर्जा लिन/दिन सकिनेछ । बचतपत्रको साँवा भुक्तानी भने ३० चैत्र २०८३ मा हुनेछ ।
प्रतिक्रिया 4