१५ चैत, काठमाडौं । अखिल नेपाल फुटबल संघ (एन्फा) को विशेष साधारण सभा ललितपुरको सानेपास्थित हेरिटेज गार्डेनमा सुरु भएको हो ।
राष्ट्रिय खेलकुद परिषद (राखेप) का उपाध्यक्ष शिव कोइरालाले साधारण सभाको उद्घाटन गरेका हुन् ।
साधारण सभामा एन्फाको आगामी निर्वाचनमा केन्द्रित विभिन्न एजेण्डाहरुमा छलफल हुनेछ । एन्फाको निर्वाचन आगामी वर्षको जेठ १५ गते हुनेछ ।
साधारण सभाको उद्घाटनका अवसरमा एन्फाका अध्यक्ष कर्मा छिरिङ शेर्पाले आफ्नो कार्यसमिति आएपछि अन्तर्राष्ट्रिय फुटबलमा सहभागी, साफमा उपविजेता, ग्रासरुट कार्यक्रम सुरुवात, थ्री नेशनको विजेता लगायत धेरै उपलब्धी हासिल भएको बताए ।
साधारण सभामा निर्वाचन समिति गठन, निर्वाचन पुनरावेदन समिति गठनसम्बन्धी छलफल हुनेछ ।
त्यस्तै संघको वार्षिक कार्यक्रम तथा बजेट एवम् आर्थिक वर्ष २०७७/७८ को लेखा परीक्षण प्रतिवेदन पारित गर्ने सम्बन्ध र निर्वाचनमा सहभागी उम्मेदवारको मनोनयन शुल्क सम्बन्धमा छलफल हुनेछ ।
हेर्नुहोस् एन्फा साधारणसभाको एजेण्डा
प्रतिक्रिया 4