+
+

धादिङमा सत्ता गठबन्धनका दलहरूबीच चुनावी तालमेल हुने

अनलाइनखबर अनलाइनखबर
२०७८ चैत २५ गते १७:०८

२४ चैत्र, काठमाडौं । धादिङमा रहेका सत्तारूढ गठबन्धनका दलहरूले स्थानीय निर्वाचनमा तालमेल गरेर जाने निर्णय गरेका छन् ।

शुक्रबार गल्छीमा बसेको जिल्लास्थित गठबन्धनका दलहरूको संयुक्त बैठकले जिल्लामा रहेका १३ वटा स्थानीय तह, १ सय ४ वडा र जिल्ला समन्वय समितिमा पनि चुनावी तालमेल गर्दै निर्वाचन सफल बनाउने निर्णय गरेको बैठकमा सहभागी जनता समाजवादी पार्टीका नेता राजु नेपालले जानकारी दिए ।

स्थानीयत तहमा चुनावी तालमेलका लागि १३ वटै स्थानीय तहमा नेपाली कांग्रेसको पालिका सभापतिको अध्यक्षतामा संयुक्त संयन्त्र निर्माण गर्ने निर्णय भएको नेता नेपालले जानकारी दिए । बैठकले गठबन्धनको मर्म र भावना अनुरूप एक आपसमा सम्मान र हार्दिकताको विकास गर्दै निर्वाचनमा केन्द्रित हुने निर्णय गरेको छ ।

तालमेलमा भागबण्डाका लागि दलगत वस्तुस्थितिका बारेमा प्रतिवेदन तयार गर्न प्रत्येक दलबाट २/२ जना प्रतिनिधि रहने गरी कार्यदल गठन गर्ने सहमति पनि दलहरूबीच बनेको छ ।

बैठकले गठबन्धन दलहरूबीच हार्दिकता कायम गर्न एकअर्काविरुद्ध आक्षेप नलगाउने र गठबन्धन दलबीच नेता कार्यकर्तालाई पार्टीमा प्रवेश नगराउने निर्णय गरेको छ ।

बैठकमा नेपाली काँग्रेस, नेकपा माओवादी केन्द्र, नेकपा एकीकृत समाजवादी र जनता समाजवादी पार्टीका नेताहरू सहभागी थिए । गठबन्धनको कार्यदलको सचिवाल जिल्ला सदरमुकाम धादिङबेसीमा राख्ने सहमति भएको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?