सुर्खेतमा रुखले किचेर एक जनाको मृत्यु

३० वैशाख, सुर्खेत । सुर्खेतमा हावाहुरीले रूख ढाल्दा एक जनाको मृत्यु भएको छ ।

वीरेन्द्रनगर नगरपालिका-२ स्थित रानीघाटका ६२ वर्षीय लालबहादुर पुलामीको रुखले किचेर मृत्यु भएको हो ।

सुर्खेतका प्रहरी प्रवक्ता एवं डीएसपी रामप्रसाद घर्तीका अनुसार शुक्रबार दिउँसो ३ बजे चट्याङसहित आएको हावा हुरीले सिमलको रूख ढलाएको थियो ।

सोही रूखले किचेर पुलामीको मृत्यु भएको डीएसपी घर्तीले बताए । ‘घटना स्थलमा प्रहरी गएको छ, घटनाबारे थप विवरण लिने काम भइरहेको छ’ उनले भने ।