+
+

नेमकिपाको गढ भक्तपुरमा प्रजापतिको फराकिलो अग्रता

अनलाइनखबर अनलाइनखबर
२०७९ जेठ १ गते ११:३९

१ जेठ, भक्तपुर । भक्तपुर नगरपालिकामा नेपाल मजदुर किसान पार्टी (नेमकिपा) को अग्रता थप फराकिलो बनेको छ ।

नेमकिपाका सुनिल प्रजापतिले ९ हजार ४०८ मत ल्याउँदा निकटतम प्रतिस्पर्धी नेपाली कांग्रेसका रामप्रसाद कासुलाले १७ सय ३ मत ल्याएका छन् ।

नेकपा एमालेका रवीन्द्र लाछिमस्युले ११ सय मत ल्याएका छन् भने नेकपा माओवादी केन्द्रका तुल्सी भक्त सुवालले ३१६ मत ल्याएका छन् ।

नेमकिपाको गढ मानिने भक्तपुरमा ०७४ मा पनि प्रजापतिले नै फराकिलो मतान्तरले जितेका थिए । त्यसबेला प्रजापतिले २५ हजार ७३० मत ल्याउँदा निकतम प्रतिद्वन्द्वी कांग्रेसका रामप्रसाद कासुलाले ६ हजार ५६० मत मात्रै ल्याएका थिए ।

०५६ मा भक्तपुर–२ बाट सांसद निर्वाचित प्रजापति ०६३ सालमा अन्तरिम संविधानका मस्यौदाकार थिए । नेमकिपाको गढमा हेबीवेट प्रजापतिलाई मेयरका उम्मेदवार बनेका छन् ।

उपमेयरमा पनि नेमकिपाकै अग्रता छ । नेमकिपाकी रजनी जोशीले ९ हजार ५६८ मत सहित अग्रता बनाइरहँदा एमालेकी रञ्जना खर्बुजाले १२ सय ५ मत ल्याएकी छिन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?