+
+

बैंक अफ काठमाण्डूमा ‘फिक्स डिपोजिट’ गर्दा ४ गुणासम्म प्रतिफल पाइने

अनलाइनखबर अनलाइनखबर
२०७९ जेठ २४ गते १५:५०

२४ जेठ, काठमाडौ । बैंक अफ काठमाण्डूले मुद्धती निक्षेप (फिक्स डिपोजिट) मा चार गुणासम्म प्रतिफल दिने नयाँ निक्षेप योजना अघि सारेको छ ।

बैंककाअनुसार सीमित अवधिका लागि अघि सारिएको ‘बीओके सुप्पर मुद्धती खाता’ मा अब दुईदेखि चार गुणासम्म प्रतिफल पाइने छ । ‘बीओके सुप्पर मुद्धतीमा लगानी, भविष्यका लागि सुरक्षित आम्दानी’ भन्ने अभियानकासाथ अघि सारिएको योजनाबाट अवकाश हुन लागेका सरकारी कर्मचारीसहित सबैखाले उपभोक्ता लाभान्वित हुने बैंकले जनाएको छ ।

एक साता अघि सुरु भएको योजनामा न्यूनतम ५० हजार रुपैयाँ निक्षेप हुनुपर्छ । त्यसपछि दुईदेखि चार गुणासम्मको प्रतिफलको योजनामा सहभागी हुन पाइन्छ । ६ वर्ष ५ महिनासम्म निक्षेप रकम खातामा राखे कुल रकमको २ गुणा नगद पाइने छ । यस्तै १० वर्ष ३ महिना सो रकम यो योजना अन्तर्गत खातामा राखे निक्षेप रकमको तीन गुणा नगद फिर्ता पाइने छ भने १३ वर्षसम्म उक्त रकम खातामा राखे कुल रकमको चार गुणा प्रतिफल पाइने छ ।

बैंककाअनुसार कुनै एक जना सरकारी कर्मचारीले सेवा निवृत्त हुनु ६ वर्ष ५ महिना अघि २० लाख रुपैयाँ बीओके सुप्पर मुद्धती योजनामा निक्षेप राखे उसले सेवा निवृत्त हुँदा दोब्बर अर्थात ४० लाख रुपैयाँ एकमुष्ट प्रतिफल पाउने छ । यस्तै तीन गुणा र चार गुणा प्रतिफल पाउने योजनामा सो रकम निक्षेप राखे योजनाअनुसारको तीन र चार गुणासम्म प्रतिफल निक्षेपकर्ताले पाउने छन् ।

बैंकको यो योजनाको विशेषताको रुपमा सेवाग्राहीले योजनामा राखेको रकमको ९० प्रतिशतसम्म ऋण पाउने छन् । यस्तै कसैले योजना अन्तर्गत एक करोड रुपैयाँ निक्षेप राखे सोही निक्षेपलाई धितो मानेर बैंकबाट ९० लाख रुपैयाँसम्म ऋण लिन पाउने छन् । सुविधा लिने ग्राहकले २ लाख रुपैयाँसम्मको क्रेडिट कार्ड सुविधा पाउने छन् भने क्रेडिटकार्ड जारी गर्दा कुनै शुल्क लाग्ने छैन ।

यो सुविधामा जोडिन चाहने ग्राहकले बैंकको कुनै पनि शाखामा सम्पर्क राखेर सेवा लिन सक्नेछन् । यस्तै हाल बैंक आफ काठमाण्डूमा निक्षेप खातामा रकम जम्मा गरिरहेका ग्राहकले आफ्नो निक्षेपलाई नयाँ योजनामा रुपान्तरण गर्ने सुबिधा पनि बैकले दिएको छ । यो सेवा लिनकालागि कुनै अतिरिक्त शुल्क लाग्दैन ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?