+
+

पर्साका थप ६ वटा पालिका र भूमि आयोगबीच सम्झौता

अनलाइनखबर अनलाइनखबर
२०७९ साउन १२ गते १८:५१

१२ साउन, वीरगञ्ज । पर्साका थप ६ वटा पालिकाले राष्ट्रिय भूमि आयोगसँग सम्झौता गरेका छन् ।

भूमिहीन दलित, भूमिहीन सुकुम्बासी र अव्यवस्थित बसोबासीको लगत संकलन गर्न, नाप नक्सा गर्नेदेखि लालपूर्जा वितरणसम्मको काममा सहजीकरण गर्न स्थानीय तहले आयोगसँग सम्झौता गरेका हुन् ।

पोखरिया नगरपालिका, पटेर्वासुगौली, जगरनाथपुर, विन्दवासिनी, पकहामैनपुर र सखुवाप्रसौनी गाउँपालिकाले आयोगसँग सम्झौता गरेको भूमि आयोग जिल्ला समिति पर्साका अध्यक्ष तवरेज अहमदले जानकारी दिए ।

‘अयोगको विज्ञ सदस्य आएको मौकामा जिल्लामा नै ६ वटा पालिकाले सम्झौता गरेका छन् । अब लगत संकलन लगायत काम अघि बढाउन बाटो खुलेको छ’ उनले भने ।

जिल्ला समन्वय समिति पर्साको सभाहलमा आयोजित कार्यक्रममा पालिका प्रमुख, उपप्रमुख, प्रमुख प्रशासकीय अधिकृत र कर्मचारीले आयोगसँगको सम्झौतापत्रमा हस्ताक्षर गरेका थिए । आयोगका तर्फबाट विज्ञ सदस्य राधो राय यादवले हस्ताक्षर गरे ।

यसअघि वीरगञ्ज महानगरपालिका, पर्सागढी, बहुदरमाई नगरपालिका, ठोरी, कालिकामाई र धोविनी गाउँपालिकाले आयोगसँग सम्झौता गरिसकेका छन् । ठोरी गाउँपालिकाले लगत संकलनको काम पनि सकिसकेको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?