२२ भदौ, काठमाडौं । सरकारले व्यवसायीको लाभका लागि भन्सार महसुल हटाएपछि पुस्तक आयात ह्वातै बढेको छ । भन्सार विभागकाअनुसार चालु आर्थिक वर्षको पहिलो महिनामै व्यापारीले ५१ करोड ३३ लाख ३ हजार मूल्यको ४९ लाख १३ हजार २३ थान पुस्तक आयात गरेका छन् । जुन आर्थिक वर्ष २०७७/७८ को वार्षिक आयात भन्दा ११ करोडले धेरै हो ।
आर्थिक वर्ष २०७५/७६ माविना कुनै कर एक अर्ब ८ करोड ९० लाख ८७ हजार मूल्यको १० करोड ४९ लाख ३४ हजार थान पुस्तक नेपाल भित्रिए पछि तत्कालिन अर्थमन्त्री डा. युवराज खतिवडाले आव २०७६/७७ को बजेटमार्फत पुस्तकमा १० प्रतिशत भन्सार लगाएका थिए ।
त्यसयता पुस्तकको आयात बिस्तारै ओरोलो लागे पनि पुस्तकको आयातले राजश्वमा दिने योगदान भने बढेको थियो । जेठमा घोषणा भएको बजेटले सोही वर्षको अन्तममसम्म पुस्तकबाट उठ्ने राजश्व बढेर ५ करोड ८१ लाख पुगेको थियो ।
यस्तै आव २०७७/७८ मा पुस्तकमा पुस्तक आयात घटे पनि राजश्व एक करोड १४ लाख पुगेको थियो । तर, पुस्तक व्यापारीहरुले अधिकारकर्मीहरु मार्फत ज्ञानमा कर लगाएको भन्दै पुस्तकमा भन्सार महसुल हटाउन आन्दोलन तीब्र बनाएपछि आव २०७८/७९ मा पुस्तकमा भन्सार महसुल हटेको थियो ।
भन्सार महसुल हटेपछि सो आवमा ८१ करोड १७ लाख २८ हजार लागतको ७७ लाख ६ हजार ७८५ थान पुस्तक नेपाल भित्रिएको थियो । सो वर्ष पुस्तकबाट जम्मा ६२ लाख ३७ हजार राजश्व संकलन भएको थियो ।
प्रतिक्रिया 4