+
+

ठोरीमा नमूना मतदान

अनलाइनखबर अनलाइनखबर
२०७९ कात्तिक २१ गते १९:०३

२१ कात्तिक, वीरगञ्ज । मंसिर ४ गते हुन लागेको प्रतिनिधि सभा र प्रदेश सभा निर्वाचनलाई लक्षित गर्दै पर्सामा नमूना मतदान गरिएको छ । मतदाता शिक्षाका लागि ठोरी गाउँपालिकाको कार्यालय घ्याङडाँडामा नमूना मतदान गरिएको हो ।

जिल्ला निर्वाचन कार्यालय पर्साको आयोजनामा भएको कार्यक्रममा सहभागी मतदाताले प्रतिनीधि सभा तथा प्रदेश सभा निर्वाचनमा जस्तै प्रत्यक्ष र समानुपातिक तर्फ गरी ४ वटा ब्यालेट पेपर लिएर ४ ठाउँमा मतदान गरेका थिए ।

मतदाता शिक्षा दिनुका साथै मत बदर हुने अवस्थाको बारेमा बुझ्न नमूना मतदानको आयोजना गरिएको जिल्ला निर्वाचन अधिकारी रञ्जिता झाले जानकारी दिईन् ।

सुरक्षा व्यवस्था सहित वास्तविक निर्वाचनको झल्को दिने गरी सम्पन्न नमूना मतदानको नेपाली सेना, नेपाल प्रहरी, सशस्त्र प्रहरी लगायत पर्साका सबै सुरक्षा निकायका प्रमुख सहितको टोलीले अनुगमन गरेको थियो ।

पर्सा निर्वाचन क्षेत्र नं. ४ अन्तरगत पर्ने ठोरीमा मंसिर ४ गते हुने निर्वाचनका लागि ७ ओटा मतदान स्थल र १७ ओटा मतदान केन्द्र तोकिएका छन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?