+

प्रधानमन्त्री कप एकदिवशीय क्रिकेटमा दीपेन्द्रको दोस्रो शतक

२०७९ कात्तिक  २५ गते १२:१० २०७९ कात्तिक २५ गते १२:१०
प्रधानमन्त्री कप एकदिवशीय क्रिकेटमा दीपेन्द्रको दोस्रो शतक

२५ कात्तिक, काठमाडौं । नेपाल पुलिस क्लबका कप्तान दीपेन्द्र सिंह ऐरीले जारी प्रधानमन्त्री कप राष्ट्रिय एकदिवशीय क्रिकेटमा दोस्रो शतक बनाएका छन् ।

विभागीय टोली त्रिभुवन आर्मी क्लबसँगको सेमिफाइनलमा दीपेन्द्रले प्रतियोगिताको आफ्नो दोस्रो शतक पूरा गरेका हुन् ।

उनले १०७ बलमा ९ चौका र ३ छक्कासहित शतक पूरा गरेका हुने । चौथो नम्बरमा ब्याटिङमा आएका दीपेन्द्रले आरिफ शेखसँग १५० रनभन्दा बढीको साझेदारी गरिसकेका छन् । पाँच ओभरको खेल बाँकी रहँदा दीपेन्द्र १२० र आरिफ ५१ रन बनाएर खेलिरहेका छन् ।

यी दुईको लामो साझेदारीले टस हारेर ब्याटिङ गरेको पुलिस ठूलो योगफलतर्फ अग्रसर छ । ४५ ओभरको खेल सकिँदा पुलिसले ३ विकेट गुमाएर २३५ रन बनाएको छ । यसअघि ओपनर कुशल भुर्तेलले ३१, सुनील धमलाले १३ र अमित श्रेष्ठले १० रन बनाएर आउट भए ।

प्रतियोगितामा दीपेन्द्रको दोस्रो शतक हो । यसअघि समूह चरणमा वागमती प्रदेशविरुद्ध ८२ बलमा १०८ रनको शतकीय पारी खेलेका थिए ।

दीपेन्द्रले प्रतियोगितामा अहिलेसम्म २ शतक र १ अर्धशतक बनाएका छन् । उनी प्रतियोगितामा सर्वाधिक रन बनाउने खेलाडीसमेत हुन् ।

दीपेन्द्रसिंह ऐरी प्रधानमन्त्री कप क्रिकेट

धेरै कमेन्ट गरिएका

लेखक
अनलाइनखबर
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय