२८ फागुन, काठमाडौं । आईसीसी विश्वकप क्रिकेट लिग टू को जरी शृंखलाको आफ्नो दोश्रो खेलमा यूएईमाथि १७७ रनमाथि सानदार जित हात पार्दै नेपालले एकदिवसीय अन्तर्राष्ट्रिय (ओडीआई) मान्यता जोगाएको छ ।
यूएईसँगको यो जितसँगै नेपालले सात राष्ट्र सहभागी लिग टू मा चौथो स्थान पक्का गरिसकेको छ । नेपालले अब कीर्तिपुरमा नै हुने यूएई र पपुवा न्युगिनीविरुद्धका दुवै खेल जितेमा सिधै विश्वकप छनोटमा पुग्ने छ ।
टस जितेर पहिला बलिङ गरेको नेपालको ओपनिङ खराब रहे पनि मध्यक्रममा ब्याटरले आफ्नो जिम्मेवारी निभाउँदा नेपालले २४८ रनको सम्मानजनक योगफल खडा गरेको थियो ।
२४९ रनको लक्ष्य पछ्याएको यूएईलाई सुरुदेखि नै दबावमा राख्दै नेपाली स्पिनरहरुले घातक बलिङ गरे । र यूएई २२.५ ओभरमा ७१ रनमा अलआउट भयो । १७७ रनको जित ओडीआईमा यो नेपालको अहिलेसम्मकै फराकिलो जित हो । यसअघि २०२१ सेप्टेम्बरमा नेपालले पीएनजीलाई १५१ रनले पराजित गरेको थियो ।
नेपाल र यूएईबीचको खेलका तस्वीरहरू हेर्नुहोस् :
प्रतिक्रिया 4