+
+

रघुजी पन्त भन्छन् : चितवनको क्रिकेट स्टेडियम सरकारले बनाउनु पर्छ

अनलाइनखबर अनलाइनखबर
२०७९ चैत ५ गते १३:५०

५ चैत, काठमाडौं । नेकपा एमालेका सांसद रघुजी पन्तले चितवनमा क्रिकेट स्टेडियम बनाउन सरकारलाई आग्रह गरेका छन् ।

संसदको शून्य समयमा उनले धुर्मुस सुन्तलीले बनाउन थालेर पूरा गर्न नसकेको चितवनको क्रिकेट स्टेडियम सरकारले जिम्मा लिएर अघि बढाउनुपर्ने बताए ।

‘सरकारले विजेता टोलीलाई एक दुई लाख रुपैयाँ पुरस्कार घोषणा गरेर मात्र काम चल्दैन’ उनले भने, ‘त्यो चितवनको स्टेडियम त्यत्तिकै थन्किएर बसेको छ बेवारिसे भएर, त्यसलाई सरकारले तुरुन्त जिम्मा लिनुपर्यो र निर्माण सम्पन्न गर्नुपर्‍यो ।’

पन्तले त्रिभुवन विश्वविद्यालयसँग समझदारी गरेर कीर्तिपुरको क्रिकेट स्टेडियमलाई विस्तार गर्न र मूलपानीको क्रिकेट स्टेडियम बनाउन पनि माग गरे ।

खेलाडीहरुसँग अपेक्षा गर्ने, जितेको बेलामा एक दुई लाख रुपैयाँ पुरस्कार घोषणा गर्ने र अघिपछि कानमा तेल हालेर बस्ने गरेको भन्दै उनले आपत्ति जनाए ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?