२९ चैत, काठमाडौं । नेपाली राष्ट्रिय क्रिकेट टिमकी कप्तान रुबिना क्षेत्री बेलबासले हङकङमा जारी फेयरब्रेक इन्भाइटेसनल टी-२० क्रिकेटमा सानदार प्रदर्शन गरेकी छन् ।
बार्मी आर्मीका लागि खेलिरहेकी रुबिनाले बुधबार बिहान भएको खेलमा साफिरेस वुमनविरुद्ध अलराउण्ड प्रदर्शन गरेकी हुन् ।
उनले ब्याटिङमा अविजित ३२ रन बनाउँदा बलिङमा पाँच विकेट लिइन् । रुबिनाको अलराउण्ड प्रदर्शनमा बार्मी आर्मीले साफिरेसलाई ६१ रनले पराजित गर्दै लिग चरणमा चौथो जित हात पारेको हो ।
रुबिनाले दोस्रो इनिङ्समा पाँच विकेट लिएपछि १६९ रनको लक्ष्य पछ्याएको साफिरेसलाई १५.५ ओभरमै १०७ रनमा अलआउट भयो ।
“It means a lot to me, my fans and, obviously, @TheBarmyArmy as well.” 🫶
🗣️ 🇳🇵Nepal’s Rubina Chhetry, the Player of the Match, after bagging 5️⃣ for 1️⃣1️⃣, the first five-wicket haul of #FBI23 🥹#FairBreak | @CricHeroes | #CricketTwitter pic.twitter.com/ONf8wf163c
— FairBreak (@fairbreakglobal) April 12, 2023
साफिरेसको टप अर्डर मिडल अर्डर ध्वस्त पार्ने क्रममा रुबिनाले उत्कृष्ट बलिङ गरिन् । नयाँ बल लिएर आएकी उनले ४ ओभरमा १ मेडन राख्दै ११ रन मात्र खर्चेर पाँच विकेट लिइन् । उनले साफिरेसकी कप्तानी गरेकी पाकिस्तानकी भेट्रान खेलाडी साना मिरको विकेटसमेत लिइन् ।
यस्तै रुचिता भेनकाटशले दुई तथा तारा नोरिस र लाउरा कार्डोसोले समान एक विकेट लिए ।
त्यसअघि टस हारेर पहिले ब्याटिङ गरेको बार्मी आर्मीले २० ओभरमा ८ विकेट गुमाएर १६८ रन बनाएको थियो । बार्मीका लाउरा वलभर्टले सर्वाधिक ३९ रन बनाउने क्रममा ३२ बल खेल्दै ९ चौका प्रहार गरिन् । रुबिनाले २५ बलमा १ चौका र २ छक्का प्रहार गर्दै अविजित ३२ रन बनाइन् ।
सेमाइन क्याम्पबेलले १७ बलमा ३० रन जोडिन् । साफिरेसका जिभाना भरासले ४ विकेट लिइन् ।
फेयरब्रेकमा रुबिनासँगै नेपालीकी सीता राना मगरले खेलिरहेकी छन् । टोर्नोजबाट खेल्ने सीताले प्लेइङ एघारमा अवसर पाए पनि ब्याटिङ र बलिङमा खासै मौका पाएकी छैनन् ।
रुबिनाले यसअघि वारियर्स मुवनविरुद्ध एक विकेट लिएकी थिइन् । उनले अहिलेसम्म तीन खेल खेलेकी छन् ।
चार खेल खेलेकी सीताले दुई खेलमा बलिङ गर्ने अवसर पाएकी थिइन् । स्पिरिटविरुद्ध एक विकेट लिएकी थिइन् ।
प्रतिक्रिया 4