एमाले सांसद शाहीको ‘असंसदीय’ शब्द संसदले रेकर्डबाट मेटाउने

७ जेठ, काठमाडौं । नेकपा एमालेका सांसद दयालबहादुर शाहीले प्रतिनिधिसभामा प्रयोग गरेको ‘असंसदीय शब्द’ संघीय संसद सचिवालयले रेकर्डबाट हटाइएको छ ।

नीति तथा कार्यक्रममाथिको छलफलमा भाग लिँदै सांसद शाहीले नेपाली कांग्रेसका संस्थापक नेताहरुको नाम लिएर आलोचना गरेका थिए । सत्ताका लागि कांग्रेसले जस्तो पनि नीति लिएको भन्दै आलोचना गरेका थिए ।

त्यसपछि कांग्रेस सांसदहरुले असंसदीय भाषा प्रयोग भएको भन्दै निमापत्ती गरेका थिए । सभामुखको भूमिका निर्वाह गरिरहेकी उपसभामुख इन्दिरा रानाले ध्यानाकर्षण भएको बताइन् ।

त्यसमा चित्त नबुझाएर कांग्रेस सांसदहरुले उठेरै विरोध गरेपछि सभामुखको भूमिका निर्वाह गरिरहेकी उपभामुख रानाले सांसद शाहीले बोलेको असंसदीय शब्द सुनी रेकर्डबाट हटाउन संसद सचिवालयलाई निर्देशन दिएकी हुन् ।