हेल्प नेपालले जित्यो पुरुषमा प्रधानमन्त्री एनभीए कप भलिबलको उपाधि

३० असार, काठमाडौं । सातौं प्रधानमन्त्री कप एनभीए महिला तथा पुरुष भलिबल प्रतियोगिता अन्तर्गत पुरुषतर्फको फाइनल खेलमा नेपाल पुलिसलाई पराजित गर्दै हेल्प नेपालले उपाधि जितेको छ ।

हेल्प नेपालले पुलिस विरुद्ध २५-१९,११-२५,२५-१८ र चौथो सेट २५-१८ मा जित निकालेको हो ।

हेल्प नेपालले पहिलो सेट जित्दा दोस्रो सेट नेपाल पुलिससँग हारेको हो । तेस्रो र चौथो सेटमा पुलिसलाई पराजित गर्दै हेल्प नेपालले उपाधि जितेको छ ।

प्रधानमन्त्री कप एनभीए भलिबलमा महिलातर्फको उपाधि भने नेपाल पुलिस क्लबले जितेको छ ।