२ साउन, काठमाडौं । बार्सिलोनामा नयाँ अनुबन्ध भएका इल्के गुन्डोगानले आफूले अझै प्रमाणित गर्न बाकी रहेको बताएका छन् ।
३२ वर्षीय जर्मन मिडफिल्डर गुन्डोगानले गत सिजन म्यानचेष्टर सिटीलाई गत ट्रेबल उपाधि जिताए प्रिमियर लिगबाट ला लिगा क्लब बार्सिलोना पुगेका छन् ।
सिटीलाई तीन उपाधि जिताउन उनले मुख्य भूमिका खेल्दै ५१ खेलमा ११ गोल समेत गरेका थिए ।
फ्रि ट्रान्सफरमा रहेका गुन्डोगानले बार्सिलोनासँग दुई वर्षको लागि सम्झौता गरेका छन् । ‘म बुढो हुँदै गए पनि चुनौतीका लागि म तयार छु र मैले प्रमाणित गर्नुपर्ने धेरै कुरा छ,’ गुन्डोगानले भने ।
गुन्डोगानलाई सोमबार बार्सिलोनाको ट्रेनिङमा प्रस्तुत गरिएको थियो ।
अब उनले क्याटलान क्लबमा जाभीको प्रशिक्षणमा खेल्नेछन् । जाभीले हालका सिटीका म्यानेजर पेप ग्यार्डिवालाको नेतृत्वमा २००८ देखि २०१२ सम्म बार्सिलोनामा खेलेका थिए र २००९ मा स्पानिस ट्रेबल जितेका थिए ।
‘बार्सिलोनामा पनि मैले सिटीका खेलेको जस्तै स्टाइल छ,’ गुन्डोगानले भने, ‘ग्वार्डिओला र जाभी उस्तै छन् । जाभीसँग पहिलो पटक कुरा गर्दा देखि नै म कनेक्ट भएँ । जब मैले उनीसँग कुरा गरेँ कि बार्सिलोना सही ट्रयाकमा छ भन्ने बुझें ।’
गुन्डोगानले फरक देश र र लिग खेल्न पाउनु राम्रो अवसर रहेको बताए ।
यस्तै उनले च्याम्पियन्स लिगको उपाधिका लागि प्रतिस्पर्धा गर्ने पनि बताए ।
प्रतिक्रिया 4