२२ साउन, काठमाडौं । डेनमार्कलाई २-० ले हराउँदै सहआयोजक अष्ट्रेलिया महिला विश्वकप फुटबलको क्वार्टरफाइनलमा पुगेको छ ।
घरेलु दर्शकले खचाखट स्टेडियममा अष्ट्रेलियालाई जिताउन क्याट्लिन फोर्डले २९औं मिनेटमा र हेयली रास्सोले ७०औं मिनेटमा गोल गरे ।
अष्ट्रेलिया सन् २०१५ पछि पहिलो पल्ट क्वार्टरफाइनलमा पुगेको हो । उसले फ्रान्स र मोरक्को मध्ये एक टिमसँग शनिबार क्वार्टरफाइनलमा खेल्ने छ ।
यसअघि सन् २००७, २०११ र २०१५ मा लगातार क्वार्टरफाइनलसम्म पुगेको अष्ट्रेलिया गत विश्वकपमा प्रिक्वार्टरफाइनलसम्म पुगेको थियो ।
सन् २००७ पछि पहिलो पटक विश्वकप खेलेको डेनमार्क भने सन् १९९१ र १९९५ मा पनि क्वार्टरफाइनलबाटै बाहिरिएको थियो ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4