४ भदौ, काठमाडौं । फाइनलमा स्पेनसँग १–० ले पराजित भएसँगै विश्वकप महिला फुटबलमा इंग्ल्यान्ड उपविजेता बन्यो ।
विश्वकप जितेर इतहिास रच्ने अवसर गुमाए पनि इंग्ल्यान्डको महिला फुटबल टिमले अर्को पटक राम्रो तयारीका साथ फर्कने निधो गरेको छ ।
इंग्ल्यान्ड विश्वकपमा ३ पटकसम्म सेमिफाइनलमा अड्किएको राष्ट्र हो । जुन टिम यसपटक घरेलु टिम अष्ट्रेलियालाई सेमिफाइनलमा हराउँदै फइनल प्रवेश गरेको थियो ।
डच प्रशिक्षक सरिना विग्म्यानले आइतबार स्पेनसँगको पराजयपछि पत्रकारसँग भनिन्, ‘सिंहनीले अर्को पटक अझ बलियो भएर फर्कने संकल्प लिएका छन् ।’
खेलाडीले पहिलो विश्वकप जित्न आफ्नो शतप्रतिशत दिएको उनको दाबी छ । ४ वर्षअघिको विश्वकपका घरेलु टिम नेदरल्यान्ड्सकै प्रशिक्षक रहेकी उनीसँग लगातार २ पटक विश्वकप फाइनल हार्नुको पीडा छ ।
एकेडेमी र क्लबमा खेल्दै गरेका युवा फुटबलरलाई भने यो विश्वकपले निकै प्रेरणा दिएको छ । प्रिमियर लिगडटकमले गरेको एक रिपोर्टिङमा सिकारु महिला खेलाडीले यस पटक टिम विश्वकप फाइनल पुग्नाले आफूहरुलाई फुटबलमा लाग्न निकै प्रेरणा दिएको बताएका छन् ।
प्रिमियर लिग डटकमले बनाएको भिडियो रिर्पोटमा यू–१५ का महिला खेलाडीले राष्ट्रिय टिममा रहेका खेलाडीलाई आफ्नो आइडल मान्ने गरेको बताएका छन् ।
प्रतिक्रिया 4