टी-२० विश्वकप छनोट : टस जितेर युएईविरुद्ध ब्याटिङ गर्दै कुवेत

१४ कात्तिक, काठमाडौं । टी–२० विश्वकप छनोट खेलमा युएईविरुद्ध टस जितेर कुवेतले ब्याटिङ गरिरहेको छ ।

समूह बीमा रहेको कुवेत पहिलो जितको खोजीमा छ । पहिलो खेलमा हङकङसँग पराजित कुवेतले मूलपानी मैदानमा भएको मंगलबारको खेल जितेर विश्वकप छनोटको संभावना कायमै राख्न चाहन्छ ।

तर पहिलो खेलमा बहराइनसँग जित निकालेको युएई पनि कुवेतविरुद्ध जित निकाल्दै एक खेल अगाडि नै सेमिफाइनल पुग्ने दाउमा छ ।

आजै बिहान भएको खेलमा हङकङलाई बहराइनले पराजित गरेकाले यो समूहको सेमिफाइनल समीकरण रोचक बनेको छ ।