राजबहादुर साने निर्देशित टेलिशृंखला ‘सिन्दूर पोते’मा सासू-बुहारीको कथा

काठमाडौं । राजबहादुर सानेको निर्देशनमा टेलिसिरिज ‘सिन्दूर पोते’ सार्वजनिक भएको छ । सिरिजले नेपाली समाजमा रहेको सासू-बुहारीको सम्बन्धको उतारचढावको कथा प्रस्तुत गर्छ ।

किशोर बुढाथोकी, काजल भुजेल, जानुका विक, सपना श्रेष्ठ र कृष्ण खड्काको मुख्य भूमिका रहेको यो सिरिज कृपा टीभी युट्युब च्यानलमा रिलिज भएको छ । सिरिजमा निर्देशक सानेकै लेखन रहेको छ भने वीरेन्द्र बलायरको छायांकन र चेतन सम्राटको सम्पादन छ ।

‘यो टेलिशृंखलाले नेपाली समाजमा महिलाहरुले भोग्दै आएको घरेलु हिंसा, सासू-बुहारीको सम्बन्धमा आउने उताचढावको विषयवस्तु प्रस्तुत गर्ने कोसिस गरेका छौं,’ निर्देशक सानेले अनलाइनखबरसँग भने ।

५२ एपिसोडसम्म प्रसारण हुने सिरिजलाई कृष्णबहादुर भट्टराई र काजल भुजेलले निर्माण गरेका हुन् ।