सिद्धार्थ प्रिमियर इन्स्योरेन्सको ३ लाख संस्थापक सेयर लिलामी बिक्रीमा

३ माघ, काठमाडौं । सिद्धार्थ प्रिमियर इन्स्योरेन्स कम्पनीको ३ लाख कित्ता संस्थापक सेयर लिलामी बिक्रीमा राखिएको छ । विद्यमान संस्थापक वा अन्य व्यक्ति तथा संघसंस्थाहरुले बुधबारदेखि माघ ११ गतेसम्म गोप्य बोलकबोल गरी शिलबन्दी आवेदन दिन सक्ने बिक्री प्रवन्धक एनआईसी एसिया क्यापिटलले जनाएको छ ।

क्यापिटलको कार्यालय थापाथलीमा आवेदन दिन सकिनेछ । क्यापिटलका अनुसार न्यूनतम मूल्य प्रतिकित्ता २२० रुपैयाँ तोकेर आवेदन दिन सकिने छ । शिलबन्दी आवेदन दिँदा न्यूनतम ५ हजार कित्ता सेयर खरिदका लागि माग गर्नुपर्नेछ । साबिकको सिद्धार्थ र प्रिमियर इन्स्योरेन्स मर्ज भई बनेको यो कम्पनीको साधारण सेयर मूल्य बजारमा प्रतिकित्ता ७६० रुपैयाँ छ ।