मनोज र तारा श्रीशको स्वरमा कौडा गीत ‘मायाको झल्को’

काठमाडौं । मनोज थापा मगर र तारा श्रीश मगरको स्वरमा कौडा गीत ‘मायाको झल्को’ सार्वजनिक भएको छ । रोदी शैलीमा सिर्जना गरिएको गीतमा अविनाश थापा मगरको शब्द र गणेश गुरुङको संगीत छ । गीतलाई मनोज स्वयंले एरेन्ज गरेका छन् ।

मायाप्रेमको भावमा निर्माण गरिएको गीतको भिडियोलाई शेखर घर्ती मगरले निर्देशन गरेका छन् । शेखर घर्ती मगर, सुष्मा आले मगर र अस्मिता मगरले अभिनय गरेको भिडियोलाई विजय लामाले खिचेका हुन् । भिडियोमा अमृत चापागाईंको सम्पादन तथा कलर संयोजन छ । भिडियोमा शेखरकै कोरियोग्राफी छ ।

गीत ‘अविनाश थापा मगर’ युट्युब च्यानलमा सार्वजनिक गरिएको छ ।