पहिलोपटक ‘जीतपुर सिमरा महोत्सव’ हुँदै

४ फागुन, काठमाडौं । बारा जीतपुर सिमरा नगर उद्योग वाणिज्य संघले पहिलो पटक ‘जीतपुर सिमरा महोत्सव’ आयोजना गर्न लागेको छ ।

जीतपुर सिमरा उपमहानगरपालिका–३ बजनीस्थित प्रदर्शनी स्थलमा आयोजना हुने महोत्सव समग्र मधेशको पर्यटन प्रवर्द्धनमा केन्द्रित हुने संघ अध्यक्ष मोहन शर्मा लामिछानेले बताए ।

‘कृषि पर्यटन, खेल उद्योग र व्यापार जीतपुर सिमरा बारा–मधेश समृद्धिको आधार’ भन्ने नारासहित १८–२९ फागुनसम्म महोत्सव चल्ने छ ।

संघका अनुसार महोत्सवको आवश्यक तयारी भइरहेको छ । जीतपुर सिमरा उपमहानगरपालिकाको मुख्य व्यापारिक केन्द्र जीतपुर र सिमरा मध्यभागमा आयोजना हुन लागेकाले महोत्सवले समग्र उपमहानगरका नागरिकलाई समेट्ने छ ।