१५ फागुन, काठमाडौं । चालु आर्थिक वर्ष (आव) २०८०/८१ को पहिलो ६ महिनामा ६१.३७ मेगावाट बिजुली थपिएको छ ।
अर्थ मन्त्रालयको विवरण अनुसार पुस २०८० सम्म विद्युत् उत्पादन क्षमता २८२८.९९ मेगावाट पुगेको छ । यो असार मसान्तसम्मको तुलनामा ६१.३७ मेगावाट* धेरै हो ।
असार मसान्तसम्म २७६७.६२ मेगावाट उत्पादन क्षमता रहेको अर्थ मन्त्रालयको वार्षिक विवरणमा उल्लेख छ ।
नेपालमा अहिले ९५ प्रतिशत विद्युतीकरण कार्य सम्पन्न भएको समेत अर्थको तथ्यांकमा उल्लेख छ ।
अर्थ मन्त्रालयले ६ महिनाको अर्थतन्त्रको प्रमुख झलक सार्वजनिक गर्दै यस्तो जानकारी गराएको हो ।
अहिले नेपाल विद्युत् प्राधिकरणबाट ६६१.५७ मेगावाट, प्राधिकरणका सहायक कम्पनीबाट ४७८.१ मेगावाट, निजी क्षेत्रबाट १६२१.३८ मेगावाट, निजी सोलार विद्युत् ६१.९४ र बगास (उखुको खोस्टा) बाट ६ मेगावाट विद्युत् उत्पादन हुने गरेको छ । कुल विद्युत् उत्पादनमध्ये सरकारी क्षेत्रबाट भएको उत्पादनको हिस्सा ४०.३ प्रतिशत हो ।
मन्त्रालयका अनुसार चालु आर्थिक वर्ष भित्र कुल ९ सय मेगावाट क्षमताको थप जलविद्युत् उत्पादन भई राष्ट्रिय प्रसारणलाइनमा जोडिने सम्भावना छ ।
(*अन्यथा भएकोमा सच्याइएको छ)
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg)
प्रतिक्रिया 4