+
+
कविता :

लक्ष्मी बर्देवाका तीन कविता

अनलाइनखबर अनलाइनखबर
२०८० चैत २ गते १४:५५

मान्छे चिन्ने उपाय

मान्छे कसरी चिन्ने ?

यी यसरी,

तपाईं हेरी मात्र रहनुस्

केही गर्नै पर्दैन,

बस् अलिकति कुरिदिनुस्

शान्त रहनुस, धैर्य……!

थाहा नपाए जस्तो गरिदिनुस्,

ठीकै छ जस्तो,

अनि त,

उनीहरुका क्रियाकलापहरु चिच्याउन थालिहाल्छन् नि

म यस्तो छु है भनेर !

……………………………….

गजल

सोच्दा हुन्

म बिना त रुखको के अस्तित्व होला र ?

हाँगामा अल्झिएर बसेका पातहरु सोच्दा हुन्

 

म नहुँदो हुँ त, न तारा हुन्थ्यो, न चन्द्रमा

मनमनै ती अँध्यारा रातहरु सोच्दा हुन्

 

सम्बन्धको पर्खाल निकै कमजोर हुने रहेछन्

विश्वासमाथि बजारिएका घातहरु सोच्दा हुन्

 

मेरै निम्ति त यो यति राम्री भएर हिंडेकी छे

मलाई मन नपरी छुने ती हातहरु सोच्दा हुन्

……………………

के हुन्छ ?

छ र छैनको बीचमा के हुन्छ ?

जन्म र मृत्युको बीचमा जीवन भए जस्तै,

हुन्छ र हुँदैनको बीचमा के हुन्छ ?

हरेक उत्तरहरु किन जिन्दगी जत्तिकै असहज छन् ?

तर्कहरु जिब्रोसम्म आइपुग्दा के हुन्छ ?

म केही नभनी लाटो हुनसक्छु भने,

मेरो कुरा बहिरा जसरी सुन्दा उनीहरुलाई के हुन्छ ?

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?