६ सय बोरा युरिया मलसहित ट्रक नियन्त्रणमा

४ चैत, काठमाडौं । बारा प्रहरीले ६०० बोरा रासायनिक मलसहितको ट्रक नियन्त्रणमा लिएको छ ।

वीरगञ्जबाट बाराको कलैया तर्फ जाँदै गरेको ना४ख १९२ नम्बरको ट्रकमा लोड गरेको अवस्थामा ६ सय बोरा युरिया मल (प्रतिबोरा ५० केजी) नियन्त्रणमा लिएको बारा प्रहरीले जनाएको छ ।

बारा प्रहरीका प्रवक्ता डीएसपी दधिराम न्यौपानेका अनुसार ५ लाख बराबरको बिल नभएको मल बरामद गरिएको हो ।

नियन्त्रणमा लिएको ट्रक र बरामद मल राजस्व अनुसन्धान कार्यालय पथलैयामा पठाइएको उनले बताए ।