सम्पदा जगेर्नाका लागि कीर्तिपुरमा आदिनाथ सम्पदा यात्रा

६ चैत, काठमाडौं । सम्पदा जगेर्ना गर्ने उद्देश्यका साथ कीर्तिपुरमा सम्पदा यात्रा आयोजना गरिएको छ ।

कीर्तिपुर स्वंयसेवक समाजले चोभार गेटबाट आदिनाथसम्म सम्पदा यात्रा सम्पन्न गरेको हो । आदिनाथ मन्दिर रातो मच्छिन्द्रनाथका लागि धार्मिक रुपमा महत्वपर्ण सम्पदा हो ।

स्थानीय सम्पदा विज्ञ सरोज शाक्यको अगुवाईमा भएको सम्पदा यात्राले कीर्तिपुर चोभारमा अवस्थित सम्पदाहरुको अवलोकन, सम्पदासँग सम्बन्धित विविध लोकोक्तिका बारेमा सहभागीहरुलाई जानकारी प्रदान गरेको थियो ।

आदिनाथ मन्दिर परिसरमा पुगी दिप प्रज्वोलन गरी सम्पदा यात्रा समापन भएको थियो ।

युवाहरुमा भएको ज्ञान सीप र क्षमताको माध्यमबाट संगठित रूपमा स्वयंसेवा गर्न २०६१ सालमा स्थापना भएको कीर्तिपुर स्वयंसेवक समाजले युवा क्षमता विकास, विपद् व्यवस्थापन आदि क्षेत्रहरुमा निरन्तर काम गर्दै आइरहेको छ ।

समाजले यसै कार्यक्रमको आयोजना गरी स्थापनाको १९ औं वार्षिकोत्सव मनाएको छ ।

कीर्तिपुर स्वयंसेवक समाजका अध्यक्ष सुधन सुवेदीले यस सम्पदा यात्रा सम्पदा जगेर्ना र विकासका लागि गरिने निरन्तर अभियानको रुप भएको बताउँदै समाजका कार्यक्रमहरुमा सहभागितका लागि अनुरोध गरे ।