मिस नेपाल-२०२४ को मुख्य प्रायोजकमा डाबर वाटिका

काठमाडौं । मिस नेपाल-२०२४ को टाइटल स्पोन्सरमा डाबर वाटिका नै कायम रहने भएको छ । द हिडन ट्रेजरले बिहीबार विज्ञप्ति जारी गर्दै टाइटल स्पोन्सरको घोषणा गरेको हो ।

दुई वर्षदेखि डाबर वाटिका नै मुख्य प्रायोजकको रुपमा छ । नेपाली महिलाको क्षमतालाई प्रवर्द्धन गर्ने र सौन्दर्यलाई सामाजिक हितमा अघि बढाउने उद्देश्यलाई यो सहकार्यले मूर्तरुप दिने आशा डावर वाटिकाले लिएको उल्लेख छ ।

‘मिस नेपालको आगामी संस्करणमा पनि निरन्तर सहकार्य गर्न पाउँदा हामी उत्साहित छौं,’ डाबर वाटिकाका बजार प्रमुख अभयप्रसाद गोर्खालीले भने, ‘आफ्नो विशेषता र क्षमताबाट मानिसलाई बलियो बनाउने कुरामा हामी विश्वास गर्छौं ।’

डाबर वाटिकाले लामो समयदेखि स्याम्पुलगायतका स्वास्थ्य र सौन्दर्यका प्रसाधन उत्पादन गर्दै आएको छ ।